Raza Musani 
بیروت : لبنان کے جنوب میں فلسطینی پناہ گزینوں کے کیمپ میں دھماکے سے 13 افراد جاں بحق اور کئی زخمی ہوگئے۔ آگ لگنے سے صور شہر کے قریب برج کیمپ میں حماس کے زیر انتظام ایک مسجد کے نزدیک زوردار دھماکا ہوا۔ دھماکے کے ساتھ ہی جائے مقام پر خوف ناک آگ بھڑک اٹھی۔ دھماکے کے بعد جائے مقام سے دھوئیں کے کالے بادل اٹھنا شروع ہو گئے۔ ایمبولینس کی گاڑیاں کیمپ میں داخل ہوئیں جب کہ فوج نے کیمپ کو گھیرے میں لے لیا۔ مغربی اور صیہونی میڈیا نے حسبِ معمول اسے حماس کے گولہ بارود اور ہتھیاروں کے گودام میں دھماکا قرار دیا تاہم کیمپ کے ایک ذمے دار نے گودام میں گولہ بارود ہونے کی تردید کی ہے۔ ان کا کہنا ہے کہ گودام میں گیس کی بوتلیں اور آکسیجن سلنڈر موجود تھے۔
