لاہور: وزیراعلیٰ مریم نواز سے ایرانی قونصل جنرل کی ملاقات

لاہور: وزیراعلیٰ مریم نواز سے ایران کے قونصل جنرل مہران مواحد نے ملاقات کی۔ اس موقع پر ایرانی قونصل جنرل نے مریم نواز کو منصب سنبھالنے پر مبارکباد پیش کی۔ وزیراعلیٰ مریم نواز نے ایرانی قونصل جنرل مہران مواحد فر کا شکریہ ادا کیا۔ ملاقات میں دو طرفہ تعلقات کے فروغ اور باہمی تعاون بڑھانے پر تبادلہ خیال کیا گیا۔ ملاقات کے دوران باہمی ایکسپورٹ بڑھانے کی ضرورت پر بھی زور دیا گیا۔ ملاقات میں دونوں رہنماؤں نے ثقافتی وفود کے تبادلوں پر اتفاق کرتے ہوئے فوری اقدامات کا اصولی فیصلہ کیا۔ مریم نواز نے کہا کہ خیرسگالی کے طور پر 20 مارچ کو نوروز کی مناسبت سے بادشاہی مسجد پر چراغاں کیا جائے گا۔ ملاقات میں دونوں ممالک کے درمیان یوتھ کلچر ایکسچینج پروگرام کے فروغ کا فیصلہ بھی کیا گیا۔ مریم نواز نے کہا کہ ایران کیساتھ باہمی زرعی تجارت کو بڑھانا چاہتے ہیں۔ ایرانی قونصل جنرل نے حکومت پنجاب اور عوام کیلئے نیک تمناؤں کا اظہار کیا۔ اس موقع پر ایرانی قونصلیٹ کے پرس اتاشی علی اصغر مغیری بھی موجود تھے۔