Raza Musani 
بغداد : عراق میں مظاہرین سوئیڈن کے سفارتخانے میں گھس گئے اور قرآن سوزی کیخلاف شدید احتجاج کیا۔ عراقی دار الحکومت بغداد میں عوام کی بڑی تعداد نے سویئڈن کے سفارتخانے کے سامنے قرآن کی توہین اور اسے جلانے کے خلاف مظاہرہ کیا۔مقتدیٰ الصدرکے حامیوں نے احتجاج کے دوران سفارتخانے پر دھاوا بول دیا۔ مظاہرین نے عمارت میں گھس کر نعرے لگائے اور دیواروں پر مذمتی نعرے لکھ دئے۔ مظاہرین 15 منٹ تک کمپاؤنڈ میں رہے اور فورسز کی تعیناتی کے بعد وہاں سے چلے گئے۔
سوئیڈن میں قرآن سوزی کیخلاف مذمتوں کا سلسلہ بھی جاری ہے۔ عراقی وزارت خارجہ نے کہا ہے کہ اس طرح کے اقدامات سے دنیا بھر کے مسلمانوں کے جذبات بھڑک اٹھیں گے۔ ایران نے سویڈن کے ناظم الامور کو دفتر خارجہ طلب کرکے اپنا احتجاج ریکارڈ کرایا۔مصر نے یورپ میں قرآن مجید کو جلانے کے بار بار ہونے والے واقعات پر تشویش کا اظہار کیا۔
