کرناٹک: دہشت گردی کے الزام میں 5 مسلمان گرفتار

بنگلورو: بھارتی ریاست کرناٹک میں سینٹرل کرائم برانچ نے پانچ مسلمانوں کو دہشت گرد حملوں کی منصوبہ بندی کے الزام میں گرفتار کرلیا۔ سی سی بی نے کرناٹک کے دارالحکومت بنگلورو میں چھاپہ مار کر سید سہیل، عمر، زاہد، مدثر اور فیصل کو حراست میں لیا۔ ان سے سات پستول ۔ گولیاں اور دھماکا خیز برآمد کرنے کا بھی دعویٰ کیا گیا ہے۔ پولیس کا کہنا ہے کہ پانچوں ملزمان 2017 میں قتل کے ایک مقدمے میں گرفتار ہوئے اور انہیں 18 ماہ بعد جیل سے رہائی ملی تھی۔ پولیس کے مطابق ملزمان بنگلورو میں دھماکے کی منصوبہ بندی کررہے تھے اور ان کا ہدف سرکاری افسران تھے۔ بنگلورو کے پولیس کمشنر نے کہا کہ ان پانچوں کو ٹی نذیر نے بنیاد پرست بنایا تھا جو ان دنوں بنگلورو سنٹرل جیل میں بند ہے۔ ملزمان کو خفیہ اطلاع کے بعد مختلف علاقوں سے گرفتار کیا گیا۔