Raza Musani 
کراچی: کراچی میں چپ تعزیے کا پہلا جلوس حسینیہ ایرانیان پہنچ کر اختتام پزیر ہوگیا۔ چپ تعزیے کا مرکزی جلوس آج صبح نشتر پارک سے برآمد ہوا جس سے قبل نشتر پارک میں الوداعی مجلس منعقد ہوئی۔ جلوس مقررہ راستوں سے ہوتا ہوا حسینیہ ایرانیان امام بارگاہ کھارادر پر اختتام پزیر ہوا۔ جلوس کی گزرگاہ پر پولیس اور رینجرز کی نفری تعینات کی گئی جبکہ گلیاں اور سڑکیں کنٹینر لگا کر بند کی گئیں۔ دوسرا جلوس دوپہر ایک بجے قصرِ مسیب، رضویہ چورنگی ناظم آباد سے برآمد ہوا ۔ جو گلبہار۔ لسبیلہ۔ تین ہٹی اور جیل چورنگی سے ہوتا ہوا امام بارگاہ شاہ نجف مارٹن روڈ پر ختم ہو گا۔
