Raza Musani 
کراچی : کراچی میں ہیئت آئمہ مساجد و علمائے امامیہ پاکستان کے تحت عید غدیر کے موقع پر مظلوم فلسطینی عوام سے اظہار یکجہتی کیلئے خراسان سے نمائش چورنگی تک ریلی نکالی گئی۔ ریلی میں شہر کراچی کے آئمہ جمعہ و جماعت کی بڑی تعداد نے شرکت کی۔ شرکاء نے فلسطین کی حمایت میں نعرے لگائے۔ ریلی کے شرکا سے خطاب میں مولانا صادق تقوی کا کہنا تھا ظلم کی ایک سیاہ رات تھی جو ختم ہو رہی ہے یہ فلسطینی عوام کی مظلومیت اور اللہ پر ان کا ایمان تھا۔ مولانا ناظر عباس تقوی کا کہنا تھا امام خمینی نے نصف صدی سے بھی پہلے فلسطین کی حمایت کا جو نعرہ اور قبلہ اول کی آزادی کی جو آواز بلند کی تھی وہ آج دنیا کے تمام انسانوں کی آواز بن چکی ہے۔ ریلی میں مولانا محمد حسین رئیسی، مولانا عقیل موسیٰ، مولانا رضا جعفری، مولانا صادق تقوی، مولانا علیم رحمانی، مولانا روحانی، اہل سنت عالم دین و جمعیت علماء پاکستان کے رہنما مولانا قاضی احمد نورانی، مولانا باقر عباس زیدی، شہر کراچی کے آئمہ جمعہ و جماعت کی بڑی تعداد نے شرکت کی۔
