Raza Musani 
کراچی:کاؤنٹر ٹیررازم ڈپارٹمنٹ (سی ٹی ڈی) نے کراچی سے کالعدم لشکرِ جھنگوی کے 2 دہشتگردوں کو گرفتار کر لیا۔ سی ٹی ڈی کے انچارج کا کہنا ہے کہ دہشتگرد افغانستان سے تربیت لے کر آئے تھے، دہشتگردوں کی شناخت محمد اشرف اور ذیشان حمید کے نام سے ہوئی۔ سی ٹی ڈی کے مطابق دہشتگرد کراچی سے روہڑی جانے والی زائرین کی ٹرین کو نشانہ بنانا چاہتے تھے، دہشتگردوں نے اندرون سندھ سے تاجر کو اغواء کرکے خیبرپختونخوا لے کر جانا تھا۔ انچارج کا کہنا ہے کہ گرفتار دہشتگردوں نے تاوان کی رقم سے اسلحے کی خریداری کرنا تھی۔
