Raza Musani 
اسلام آباد: سپریم کورٹ کے جسٹس اعجاز الاحسن اور جسٹس مظاہر نقوی نے استعفیٰ دے دیا۔ جسٹس اعجاز الاحسن اور اور جسٹس مظاہر نقوی کے استعفے صدر مملکت نے منظور کرلئے۔ جسٹس اعجاز الاحسن نے سپریم جوڈیشل کونسل کے اجلاس میں بھی شرکت نہیں کی تھی۔ سپریم کورٹ کے اگلے چیف جسٹس کیلئے جسٹس اعجاز الاحسن کا نام سب سے اوپر تھا۔ جسٹس اعجاز الاحسن پانامہ کیس میں نواز شریف کے خلاف کیس میں مانیٹرنگ جج تھے۔
سپریم جوڈیشل کونسل نے مستعفی جسٹس مظاہر نقوی کے خلاف کارروائی جاری رکھنے کا فیصلہ کیا تھا۔ سپریم کورٹ کے جج جسٹس مظاہر نقوی کے خلاف سپریم جوڈیشل کونسل میں ریفرنس زیرِ سماعت ہے جس میں ان پر اثاثوں سے متعلق الزامات ہیں جبکہ ان کی ایک مبینہ آڈیو بھی سامنے آئی تھی۔ جسٹس اعجاز الاحسن نے جسٹس مظاہر نقوی کو جاری کیا گیا شو کاز واپس لینے کا مطالبہ کیا تھا۔
