Raza Musani 
قاہرہ : اقوام متحدہ کے ادارہ برائے اطفال یونیسیف کے ترجمان نے واضح کیا ہے کہ غزہ میں عام شہریوں کے لیے محفوظ مقامات یا سیف زونز کا قیام ناممکن ہے۔ یونیسیف کے ترجمان جیمز ایلڈر نے کہا کہ غزہ کی پٹی پر ہر جگہ اسرائیل کی جانب سے بمباری کی جا رہی ہے۔ کسی جگہ کو محفوظ قرار دینے کا جھوٹ بولنا سنگدلانہ امر ہے۔ انہوں نےکہا کہ اسرائیل کی جانب سے جن مقامات کو سیف زونز قرار دیا گیا، وہ محفوظ نہیں۔ وہ بنجر زمین کے چھوٹے ٹکڑے یا گلیوں کے کونے ہیں۔ جہاں بنیادی سہولیات دستیاب نہیں ہے۔ انہوں نے کہاکہ وہاں لوگوں کو خوراک، پانی، ادویات اور پناہ گاہوں جیسی سہولیات فراہم کرنے کی ضمانت دینا ہوگی۔
ادھر عالمی ادارہ صحت کا کہنا ہے کہ غزہ کی موجودہ صورتحال بتدریج بدتر ہورہی ہے اور وہاں انسانیت کو تاریخ کی بدترین صورتحال کا سامنا ہے۔
