Raza Musani 
غزہ : اقوام متحدہ نے غزہ کی مسلسل ناکا بندی اور انسانی امداد کو ہتھیار بنانے پر اسرائیل کی وہی روایتی زبانی مذمت کی ہے۔ اقوام متحدہ کے ادارے اوچا کے سربراہ جوناتھن وائٹل نے غزہ سٹی میں میڈیا سے بات کرتے ہوئے غزہ کی صورتحال کو مکمل ناکا بندی کے باعث تباہ کن انسانی بحران قرار دیا. انہوں نے کہا کہ انسانیت کے طور پر ہم دیکھ سکتے ہیں کہ امداد کی فراہمی سے انکار کرکے اسے ہتھیار بنایا جا رہا ہے۔ انسانی امداد سے انکار کا کوئی جواز نہیں ہے اور نہ ہی اسے ہتھیار بنایا جانا چاہیے۔ انہوں نے مزید کہا کہ یہ صرف انسانی ضروریات نہیں انسانی وقار کا معاملہ ہے۔ غزہ میں لوگوں کے وقار پر حملہ کیا جا رہا ہے۔ غزہ کی حقیقت روایتی جنگ سے بالاتر ہے۔ جوناتھن وائٹل کے مطابق غزہ میں لوگوں نے انہیں بتایا کہ فلسطینیوں کی زندگی کو دانستہ طور پر ختم کیا جارہاہے۔
