Raza Musani 
دی ہیگ: جرمنی نے عالمی عدالت انصاف میں اسرائیل کو اسلحہ فراہمی کا دفاع کرتے ہوئے واضح کیا ہےکہ اسرائیل کی سلامتی جرمنی کی خارجہ پالیسی میں کلیدی اہمیت کی حامل ہے۔ عالمی عدالت میں جرمنی اس بات کا دفاع کر رہا ہے کہ وہ اسرائیل کو ایسا اسلحہ دے رہا ہے جو غزہ میں بین الاقوامی قوانین کی خلاف ورزی کرتے ہوئے استعمال کرتا ہے۔ جرمن نمائندے نے عالمی عدالت انصاف کو بتایا کہ اسرائیل کو اپنی خارجہ پالیسی میں بنیادی اہمیت کے طور پر دیکھنے کی ہماری تاریخی وجوہات ہیں۔ نکارا گووا کی طرف سے چیزوں کو مسخ کر کے پیش کیا گیا ہے۔ جرمنی، اسرائیل کی حمایت کرتا ہے اسلحہ کی برآمد کے حوالے سے بھی اور فوجی آلات کے حوالے سے لیکن جس طرح نکارا گووا نے پیش کیا ہے یہ درست نہیں۔
واضح رہے نکارا گووا نے عالمی عدالت انصاف سے استدعا کر رکھی ہے کہ جرمنی کو اسرائیل کے لیے اسلحہ فراہمی سے روکا جائے کیونکہ جرمنی کا اسرائیل کو اسلحہ دینا 1948 کے نسل کشی سے متعلق کنونشن کی خلاف ورزی ہے۔ کیونکہ جرمنی کا یہ اسلحہ اسرائیل فلسطینیوں کی نسل کشی کے لیے استعمال کر رہا ہے۔
