اسرائیل کا غزہ پر قبضے کا منصوبہ انسانی المیہ ہے، فرانسیسی صدر

پیرس : فرانسیسی صدر عمانویل میکروں نے غزہ سے متعلق اسرائیلی حکمت عملی کو انسانی المیہ قرار دیتے ہوئے اسے غیر معمولی خطرناک منصوبہ قرار دیا ہے۔ فرانسیسی صدر میکروں نے ایک بیان میں خبردار کیا کہ اسرائیلی منصوبے کے نتیجے میں اسرائیلی قیدیوں اور غزہ کے عام شہریوں کو شدید نقصان پہنچے گا۔ انہوں نے اسرائیلی حکومت سے فوری طور پر جنگ ختم کرنے اور مستقل جنگ بندی پر زور دیا، ان کا کہنا تھا کہ جاری تنازعہ عام شہریوں کی مشکلات میں اضافہ کرے گا اور خطے میں امن کے امکانات کو کمزور کرے گا۔
میکروں نے اقوام متحدہ کی منظوری سے ایک بین الاقوامی اتحاد بنانے کی تجویز دی ہے جو دہشت گردی کا مقابلہ کرے اور غزہ میں استحکام لانے کے لیے کام کرے۔ انہوں نے عالمی برادری سے تعاون کی ضرورت پر زور دیا تاکہ انسانی اور سکیورٹی بحران کے اثرات کو کم کیا جا سکے۔