اسرائیل کا ڈرون حملہ، حزب اللہ کے سینئر کمانڈر شہید

بیروت :جنوبی لبنان پر اسرائیلی ڈرون حملے میں حزب اللہ کے سینئر کمانڈر وسام حسن التویل شہید ہوگئے۔ حزب اللہ کے سینئر کمانڈر وسام التویل کی گاڑی پر میزائل داغا گیا جس سے گاڑی تباہ اور وسام شہید ہوگئے۔ حزب اللہ نے خبردار کیا ہے کہ شہید کا خون رائیگاں نہیں جائے گا اور اس قتل پر اسرائیل کو چوبیس گھنٹے میں جواب دیا جائے گا۔
امریکا نے ایک خفیہ رپورٹ اسرائیلی وزیراعظم کو بھجوادی ہے جس میں کہا گیا ہے کہ اسرائیل کے لبنان پر حملے کا نتیجہ بہت خطرناک ہوسکتا ہے۔ امریکی اخبار واشگنٹن پوسٹ کی رپورٹ میں حزب اللہ کی جنگی تیاری سے آگاہ کیا گیا ہے۔ حزب اللہ کے پاس فدائیوں کے بہت بڑی تعداد موجود ہے اور وہ فضائی حملوں سے بچنے کا بہتر نظام بناچکی ہے۔