Raza Musani 
غزہ : غزہ پر اسرائیلی جنگی طیاروں کے حملے اور گولہ باری جاری ہے۔ 24 گھنٹوں کے دوران مزید 151 فلسطینی شہید اور 248 زخمی ہوگئے۔ رفح کراسنگ کے قریب گھر پر اسرائیلی حملے میں 12 فلسطینی شہید ہوئے جبکہ اسرائیلی فوج نے خان یونس میں بھی المنار ایریا کو فضائی حملے کا نشانہ بنایا۔اسرائیلی فوج نے البریج اور مغازی کیمپ پر بھی حملے کیے۔ غزہ میں الاقصیٰ اسپتال کے قریب دھماکوں اور شدید جھڑپوں کی اطلاعات ہیں۔ حماس نے جوابی حملوں میں خان یونس میں بیس سے زائد اسرائیلی فوجی ہلاک کردیئے ہیں۔ غزہ میں ننانوے روز سے اسرائیل کے حملے جاری ہیں۔ اب تک چوبیس ہزار کے قریب فلسطینی شہید ہوچکے ہیں۔
