Raza Musani 
غزہ : غزہ پر جاری صیہونی فوج کے زمینی اور فضائی حملوں میں چوبیس گھنٹوں کے دوران اکتالیس فلسطینی شہید ہوگئے۔ صیہونی فوج نے آج صبح خان یونس میں ڈرون حملہ کیا جس سے ایک مکان تباہ اور چھ فلسطینی شہید اور کئی زخمی ہوگئے۔ صیہونی فوج نے نصر اسپتال پر حملہ کرکے حماس کے اہم سیاسی رہنما اسماعیل براہوم کو شہید کردیا۔ وہ اسپتال میں زیرعلاج تھے۔ چوبیس گھنٹوں میں حماس کے دوسرے رہنما نشانہ بنے ہیں۔ حملے میں ایک نابالغ سمیت مزید پانچ فلسطینی شہید ہوئے۔ اسرائیلی جارحیت کے نتیجے میں شہدا کی تعداد پچاس ہزار سے زائد ہوگئی ہے۔
ادھراسرائیلی فوج نے رفح میں تل السلطان محلے کا محاصرہ مکمل کر لیا ہے۔ جہاں سے بڑی تعداد میں فلسطینی پیدل نقل مکانی کررہے ہیں۔ اسرائیلی فوج نے دعویٰ کیا ہےکہ علاقے میں کارروائی کے دوران متعدد عسکریت پسند مارے گئے۔
