Raza Musani 
بیروت : اسرائیلی جنگی طیاروں نے جنگ بندی کے باوجود لبنان کے دارلحکومت بیروت پر پہلا فضائی حملہ کیا جس سے ایک عمارت تباہ ہوگئی اسرائیلی جنگی طیاروں نے بیروت کے جنوبی مضافات کے محلے حدث میں اسرائیل نے عمارت پر چار حملے کیے۔ حملے میں کوئی جانی نقصان نہیں ہوا۔ اسرائیلی فوج کا کہنا تھا کہ اس کا ہدف حزب اللہ کی ڈرونز کے لیے ایک فوجی ذخیرہ کرنے کی سہولت تھی۔ حزب اللہ نے لبنانی حکومت سے اسرائیلی حملوں کا نوٹس لینے کا مطالبہ کیا ہے۔ اسرائیلی وزیر دفاع یسرائیل کاٹز نے کہا ہے کہ لبنانی حکومت کو اسرائیل اور حزب اللہ کے درمیان سرحد کے اطراف میں جنگ بندی کے معاہدے پر عمل درآمد کرانا چاہیے ورنہ اسرائیل حملے جاری رکھے گا۔ اسرائیل کاٹز نے کہا کہ لبنانی حکومت راکٹ فائر کرنے کی براہ راست ذمہ دار ہے اور جب تک شمالی اسرائیل میں امن نہیں ہوگا تو بیروت میں بھی کوئی امن نہیں ہوگا۔
