اسرائیلی درندگی جاری، امداد کے منتظر ہجوم پر ایک اور حملہ، 20 فلسطینی شہید، 150 سے زائد زخمی

غزہ: غزہ میں اسرائیلی درندگی جاری ہے۔ صیہونی فوجیوں نے امداد کے منتظر ہجوم پر ایک اور حملہ کردیا جس کے نتیجے میں بیس افراد شہید۔ ڈیڑھ سو سے زائد زخمی ہوگئے۔ صیہونی فوج نے متاثرین پر ہیلی کاپٹر سے فائرنگ کی۔ وزارت صحت نے اسے ایک اور قتل عام قرار دیا ہے۔ خان یونس میں تباہ عمارت کے ملبے سے پندرہ لاشیں نکال لی گئیں۔ شہداء کی تعداد اکتیس ہزار تین سو اکتالیس تک پہنچ گئی۔