Raza Musani 
تل ابیب : اسرائیل نے مصری حکومت کو امن معاہدے کی ممکنہ خلاف ورزی پر دھمکیاں دینا شروع کردیں۔ اسرائیلی وزیر دفاع کاٹز نے کہا کہ اسرائیل مصر کو دونوں ممالک کے درمیان انیس سو اناسی میں طے پانے والے امن معاہدے کی خلاف ورزی کرنے کی اجازت نہیں دے گا۔ سابق اسرائیلی وزیر اعظم میناچم بیگن کی 33ویں برسی کی تقریب سے خطاب میں اسرائیل کاٹز نے مصر کی حیثیت کو سب سے بڑا اور طاقتور عرب ملک تسلیم کیا۔ کاٹز نے کہا کہ امن معاہدے نے مصر کو جنگ کے چکر سے نکالا۔ قیادت کے اس فیصلے نے تاریخ کا چہرہ اور ریاست اسرائیل کی صورت حال کو بدل دیا اور یہ آج بھی یہی صورتحال درپیش ہے۔ انہوں نے مزید کہا کہ ہم مصریوں کو امن معاہدے اور انفراسٹرکچر کی خلاف ورزی کی اجازت نہیں دیں گے۔ مصر نے کاٹز کے بیانات پر کوئی ردعمل ظاہر نہیں کیا ہے۔
