اسرائیلی دہشت گردی جاری، نہتے خواتین و بچوں سمیت مزید 82 فلسطینی شہید

غزہ : صیہونی فوج کی دہشت گردی جاری ہے۔ وسطی غزہ۔ بیت حنون اور جبالیہ میں شدید گولہ باری کی گئی جبکہ رٖفح کے مضافات میں فضائی حملے میں رہائشی عمارتوں کو تاک تاک کر نشانہ بنایا۔ الشفا اسپتال کا محاصرہ چھٹے دن بھی جاری ہے۔ صیہونی فوج نے اسپتال خالی کرنے کا الٹی میٹم دے دیا۔ اسرائیلی حملوں میں چوبیس گھنٹوں کے دوران بیاسی افراد شہید اور 110 زخمی ہوئے۔ شہدا کی مجموعی تعداد بتیس ہزار سے تجاوز کرلی۔ باہتر ہزار سے زائد زخمی ہوئے۔ اسرائیلی حملوں میں شہید ہونے والوں میں 13 ہزار سے زائد بچے بھی شامل ہیں۔ کئی ماہ گزرنے کے باوجود غزہ میں ہزاروں لاشیں اب بھی ملبے تلے دبی ہوئی ہیں اور خدشہ ہے کہ اسرائیلی حملوں میں شہید ہونے والوں کی اصل تعداد اس سے کہیں زیادہ ہے۔