Raza Musani 
برسلز: صیہونی فوجی اپنے جنگی جرائم کی سوشل میڈیا پر تشہیر کرکے بری طرح پھنس گئے ہیں۔برسلز میں قائم ہند رجب فاؤنڈیشن اور دیگر تنظیموں نے ٹک ٹاک ۔ انسٹا گرام۔ یو ٹیوب اور فیس بک سے صیہونی فوجیوں کے جرائم کے ثبوت اور شواہد جمع کرکے قانونی کارروائی شروع کردی ہے۔
ہند رجب فاؤنڈیشن کے صدر دیاب ابوجہجہ کا کہنا ہے کہ فاؤنڈیشن نے جنگی جرائم سے متعلق 8000 سے زائد ثبوت اکٹھے کیے ہیں۔ چیلنج یہ ہے کہ اسے قانونی کیس میں تبدیل کیا جائے۔ دیاب ابوجہجہ نے کہاکہ ان کا مشن واضح ہے، ہم جنگی مجرموں کا جہاں بھی جائیں گے ان کا پیچھا کر رہے ہیں۔ ہند رجب فاؤنڈیشن اب تک چودہ ممالک میں اسرائیلی فوجیوں کے خلاف تقریباً 100 مقدمات شروع کرنے کی کوشش کی ہے۔ فاؤنڈیشن نے قبرص اور برازیل میں دو بڑی کامیابیاں حاصل کیں۔جہاں عدالت نےصیہونی فوجیوں کیخلاف قانونی کارروائی شروع کی۔ لیکن گرفتاری سے پہلے اسرائیلی حکومت کی مدد سے دونوں فوجی فرار ہوگئے۔
