اسرائیلی وزیراعظم کا سعودی عرب میں فلسطینی ریاست بنانے کا مشورہ

تل ابیب: صیہونی وزیراعظم نیتن یاہو نے اسرائیل کے بجائے سعودی عرب میں فلسطینی ریاست بنانے کا مشورہ دے دیا۔ نیتن یاہو نے ایک انٹرویو میں کہا کہ سعودی عرب میں زمین خالی پڑی ہے۔ فلسطینیوں کو وہاں بسایا جاسکتا ہے۔ انہوں نے دوریاستی حل کو قطعی مسترد کرتے ہوئے اسے اسرائیل کے لیے سلامتی کا خطرہ قرار دیا۔ نیتن یاہو نے کہا کہ فلسطینی ریاست نہیں بن سکتی سات اکتوبر کے بعد کیا ہوا سب جانتے ہیں حماس کی زیر قیادت ایک غزہ نام کی فلسطینی ریاست موجود تھی ۔اس ریاست سے ہمیں کیا ملا۔