غزہ میں بچوں کو ماؤں سے جدا اور بڑوں کو قتل کردیا جائے، اسرائیلی سیاستداں کی ہرزہ سرائی

تل ابیب : لیکود پارٹی کے سیاستداں اور اسرائیلی پارلیمنٹ کے ڈپٹی اسپیکر نسیم وتوری نے غزہ میں بچوں کو ان کی ماؤں سے جدا کرنے اور بڑوں کے قتل پر زور دیا ہے۔ ایک انٹریو میں نسیم وتوری نے فلسطینیوں کو بدمعاش اور بدتمیز قرار دیتے ہوئے کہا کہ یہ لوگوں کا ایک گروہ ہے جسے قبول نہیں کیا جا سکتا۔
ڈپٹی اسپیکر، جن کا تعلق اسرائیلی وزیر اعظم بنجامن نیتن یاہو کی لیکود پارٹی سے ہے، نے یہ بھی کہا کہ ’’مقبوضہ مغربی کنارہ اور جنین کو جلد ہی غزہ بنا دیا جائے گا۔ معاہدے کے تحت رہا کئے جانے والے فلسطینیوں کو وہاں رکھا جائے گا اور انہیں بعد میں ختم کیا جائے گا۔