مغربی کنارے میں اسرائیلی آپریشنز کا مقصد علاقے کا الحاق ہے، انروا

جنیوا : اقوام متحدہ کی امدادی ایجنسی انروا نے مغربی کنارے میں اسرائیلی آپریشنز کا مقصد علاقے کے الحاق کا منصوبہ قرار دے دیا۔انروا میں مغربی کنارے کے ڈائریکٹر رولینڈ فریڈرک کا کہنا ہے کہ اسرائیلی آپریشنز میں چالیس ہزار بے گھر ہوئے۔ تین پناہ گزین کیمپ خالی ہوچکے ہیں۔ اسرائیلی بیانات سے واضح ہوتا ہے کہ یہ ایک سیاسی کارروائی ہے۔ واضح طور پر کہا جا رہا ہے کہ لوگوں کو واپس جانے کی اجازت نہیں ہو گی۔ انہوں نے کہا کہ اسرائیلی فوجی طولکرم میں آپریشنز ہی نہیں کررہے ہیں بلکہ انہوں نے انتظامی معاملات بھی سنبھال لئے ہیں یہ صورتحال مغربی کنارے کے الحاق کے وژن سے مطابقت رکھتی ہے۔