Raza Musani 
غزہ : صیہونی فوج نے کئی گھنٹوں تاخیر کے بعد ایک سو دس فلسطینیوں کو رہا کردیا۔ قیدیوں کے استقبال کیلئے خان یونس اور مغربی کنارے میں سینکڑوں افراد جمع ہوگئے اور حماس کی کامیابی کا جشن منایا۔ والدین ۔ بہن بھائی اور بیویاں اپنے پیاروں سے برسوں بعد مل کر جذبات پر قابو نہ رکھ سکے۔
اس سے پہلے حماس نے قیدیوں کے تبادلے کے تیسرے مرحلے میں آٹھ یرغمالیوں کو رہا کیا۔ جس میں خاتون فوجی سمیت تین اسرائیلی اور پانچ تھائی شہری شامل ہیں۔ قیدیوں کو جبالیہ اور خان یونس سے غزہ سٹی لایا گیا جہاں انہیں ہلال احمر کے عملے کے حوالے کیا گیا۔ رہائی پر قیدی خوش اور ہشاش بشاش دکھائی دئے۔ اس موقع پر حماس اور اسلامی جہاد کے درجنوں مسلح اور نقاب پوش مزاحمت کاروں نے سیکورٹی کی ذمہ داری سنبھال رکھی تھی۔
