اسرائیلی بربریت جاری، مزید 78 فلسطینی شہید، غذائی قلت سے مزید تین بچے دم توڑ گئے

غزہ: غزہ پر اسرائیلی جارحیت تھم نہ سکی ۔ غزہ سٹی۔ خان یونس ۔ رفح اور جبالیہ پر بمباری اور گولہ باری کا سلسلہ جاری ہے۔ میزائل حملوں میں کئی مکانات ملبے کا ڈھیر بن گئے۔ چوبیس گھنٹوں میں 78 افراد شہید اور سو سے زائد زخمی ہوگئے۔ شہداء کی تعداد تیس ہزار آٹھ سو سے بڑھ گئی۔ 72 ہزار سے زائد زخمی ہوئے۔
ادھر غذائی قلت اور پانی کی کمی سے مزید تین بچے دم توڑ گئے۔ تعداد 23 ہوگئی۔ غزہ میں وسیع پیمانے پر اموات کے علاوہ 85 فیصد آبادی کو خوراک، صاف پانی اور ادویات کی شدید قلت کا سامنا ہے۔