Raza Musani 
غزہ : صیہونی فوج نے غزہ میں نسل کشی مہم کو مزید تیز کردیا ہے رات سے جاری حملوں میں مزید 22 فلسطینیوں کو شہید اور کئی کو زخمی کردیا۔ چوبیس گھنٹوں میں شہدا کی تعداد ایک سو پندرہ ہوگئی۔
اسرائیلی فوج نے رات بھر جاری حملوں میں خان یونس۔ دیر البلاح اور شمالی غزہ کے بیشتر علاقوں میں رہائشی مقامات کو نشانہ بنایا۔ رفح میں ایک کار پر ڈرون حملہ اور جبالیہ میں بھی کئی مقامات پر حملے کئے گئے۔ معصوم اور نہتے شہریوں پر حملوں اور بڑے پیمانے پر شہادتوں کے بعد صیہونی فوج نے فلسطینیوں کو جبالیہ سے انخلا کا حکم دے دیا جس کے بعد متاثرین نے پیدل ہی نقل مکانی شروع کردی ہے۔
