لبنان کے شعبۂ صحت پر اسرائیلی حملے جنگی جرائم ہیں، تحقیقات کرائی جائے، ایمنسٹی

جنیوا :انسانی حقوق کے عالمی ادارے ایمنسٹی انٹرنیشنل نے لبنان کے شعبۂ صحت پر اسرائیلی حملوں کی جنگی جرائم کے طور پر تحقیقات کا مطالبہ کیا ہے۔ ایمنسٹی انٹرنیشنل نے 3 سے 9 اکتوبر 2024 کے درمیان بیروت اور جنوبی لبنان میں طبی مراکز۔ گاڑیوں اور ایمبولینسوں پر چار حملوں کے اپنی تحقیقات کے نتائج پیش کیے۔ حملوں میں انیس ہیلتھ کیئر ورکرز ہلاک اور گیارہ زخمی ہوئے۔ متعدد ایمبولینسوں اور دو طبی سہولیات کو نقصان پہنچا یا تباہ کر دیا گیا۔
ایمنسٹی انٹرنیشنل نے کہا کہ اسرائیل کے طبی سہولیات اور اہلکاروں پر غیر قانونی حملے نہ صرف بین الاقوامی انسانی قانون کی سنگین خلاف ورزی اور ممکنہ جنگی جرائم ہیں بلکہ اس کے وسیع پیمانے پر عام شہریوں کے لیے تباہ کن نتائج بھی ہیں۔ایمنسٹی انٹرنیشنل نے بین الاقوامی برادری کی حمایت کے ساتھ لبنانی حکومت سے مطالبہ کیا کہ جنگی جرائم کے مشتبہ مرتکب افراد کو جوابدہ ٹھہرایا جائے۔