Raza Musani 
غزہ : صیہونی فوج کے غزہ پر حملے جاری ہیں۔ نصیرات کیمپ۔ رفح اور غزہ سٹی میں بمباری اور گولہ باری سے گیارہ فلسطینی شہید ہوگئے جس میں پانچ بچے شامل ہیں۔صیہونی فوج نے غزہ پر حملوں کے دوبارہ آغاز کے پانچویں دن بھی مختلف علاقوں پر فضائی اور زمینی حملے کئے۔ نصیرات کیمپ میں بمباری سے مکان تباہ ہوگیا جس کے نتیجے میں گھر کے چھ افراد شہید ہوئے جس میں پانچ بچے بھی شامل ہیں۔
رفح اور غزہ سٹی میں بھی تباہ شدہ مکانات کےڈھانچوں کو نشانہ بنایا گیا جس میں فلسطینی جان سے گئے۔ جبالیہ میں گولہ باری سے ایک فلسطینی شہید اور کئی زخمی ہوگئے۔اسرائیلی فوج نے شمالی غزہ کے شہریوں کو فوری طور پر جنوبی حصے میں منتقل ہونے کی ہدایت کردی۔
