امریکی حمایت اور اسلحے سے اسرائیلی حملے جاری، خواتین وبچوں سمیت 35 فلسطینی شہید

غزہ : غزہ میں چوبیس گھنٹوں کے دوران خواتین اور بچوں سمیت پینتیس فلسطینی مارے جاچکے ہیں۔ صیہونی جنگی طیاروں نے غزہ سٹی۔ جبالیہ۔ رفح اور خان یونس میں رہائشی مقامات پر حملے کئے۔ عمارتیں دھماکے سے اڑادی گئیں۔ جس میں کئی قیمتی جانیں ضائع ہوئیں۔ غزہ سٹی پر حملے میں سات فلسطینی شہید ہوئے۔ دیر البلاح پر حملے میں چار فلسطینی جان سے گئے۔ جبالیہ میں ایک خیمے پر حملے میں تین بچوں سمیت سات افراد شہید ہوگئے۔
صیہونی فوج نے شمالی غزہ میں مزید کئی علاقوں سے انخلا کا حکم دے دیاہے۔ اقوام متحدہ نے کہا کہ 18 مارچ کو جنگ بندی ختم ہونے کے بعد سے پانچ لاکھ افراد بے گھر ہوچکے ہیں۔