Raza Musani 
People gathering next of ambulances outside a hospital where they brought the victims of the Israeli strike that hit the Ein el-Hilweh refugee camp in the southern port city of Sidon, Lebanon, Tuesday, Nov. 18, 2025. (AP Photo/Mohammed Zaatari)
بیروت : لبنان کے شہر صیدا کے عین الحلوہ فلسطینی کیمپ پر اسرائیلی فضائی حملے میں تیرہ شہری شہید اور کئی زخمی ہو گئے۔
لبنانی وزارتِ صحت کے مطابق اسرائیلی ڈرون نے کیمپ کے اندر مرکزی سڑک پر واقع خالد بن الولید مسجد کے قریب پارکنگ میں ایک گاڑی کو نشانہ بنایا۔ حملے میں زخمی بعض افراد کی حالت تشویشناک ہے۔ جس سے اموات میں اضافے کا خدشہ ہے۔
اسرائیل نے دعویٰ کیا کہ اس نے فلسطینی مسلح گروپ حماس کے ارکان کو نشانہ بنایا جو پناہ گزین کیمپ میں تربیتی کمپاؤنڈ میں کام کر رہے تھے۔ یہ لبنان میں ایک دن میں تیسرا حملہ ہے۔ اس سے قبل بلیدہ اور بنت جبیل میں دو الگ الگ ڈرون حملوں میں دو شہری مارے گئے۔
