Raza Musani 
غزہ : صیہونی فوج نے رفح میں امدادی کیمپ کے قریب فائرنگ کرکے مزید دو فلسطینی شہید اور بارہ زخمی کردئے۔ صبح سے جاری حملوں میں خواتین اور بچوں سمیت چودہ فلسطینی شہید کردئے گئے۔صیہونی فوج نے رفح میں قائم غزہ ہیومینٹرین فاؤنڈیشن کے کیمپ کی طرف جانیوالے ہجوم پر گولیاں برسادیں جس کے نتیجے میں دو افراد جان سے گئے۔ چار دنوں میں صیہونی فوج پندرہ متاثرین کو شہید کرچکی ہے۔
ادھر خان یونس میں ایک مکان پر بمباری سے پانچ فلسطینی شہید اور سات زخمی ہوگئے۔ دیر البلاح میں مکان پر حملے میں حاملہ خاتون اور اس کا شوہر شہید ہوگیا۔ غزہ سٹی اور جبالیہ پر حملوں میں بھی شہادتوں کی اطلاعات ہیں۔ زمینی اور فضائی حملوں میں چوبیس گھنٹوں کے دوران خواتین اور بچوں سمیت باہتر فلسطینی شہید اور دو سو اٹہتر زخمی ہوگئے۔
