Raza Musani 
جنیوا : فلسطین میں اقوام متحدہ کی نمائندہ خصوصی فرانسیسکا البانیز نے اسرائیلی فوج پر نسل پرستانہ کارروائیوں کا الزام عائد کیا ہے۔ فرانسیسکا البانیز نے عالمی برادری سے مطالبہ کیا ہے کہ فلسطینی سرزمین پر قیام امن کے لئے غیرجانبدار فوج تعینات کی جائے۔مغربی کنارے میں کم عمر بچے پر اسرائیلی فوجی کے تشدد کی ویڈیو شیئر کرتے ہوئے فرانسیسکا کا کہنا تھا کہ نسلی امتیاز کی سوچ اسرائیلی فوج پر غالب ہے اور وہ فلسطینیوں کی نسل کشی کررہی ہے۔ متعدد بار ایسے واقعات ہوچکے ہیں جس میں اسرائیلی فوجیوں نے بلااشتعال فلسطینیوں کو تشدد کا نشانہ بنایا یا انہیں قتل کیا ہے۔ وقت آچکا ہے کہ عالمی برادری مسئلے کی سنگینی کو سمجھتے ہوئے فلسطینی علاقوں میں غیر جانبدار فوج تعینات کرے.
