Raza Musani 
غزہ: صیہونی فوج کے شمالی اور جنوبی غزہ پر لگاتار حملوں میں خواتین اور بچوں سمیت مزید پینتالیس فلسطینی شہید ہوگئے۔صیہونی فوج نے صبح سویرے شاطی پناہ گزین کیمپ پر بم برسادئے ۔ حملے میں سات فلسطینی شہید اور کئی زخمی ہوگئے۔شمالی غزہ میں بھی ایک مکان پر بمباری کی گئی جس سے ایک ہی گھر کے چار افراد جان سے گئے۔ غزہ سٹی میں تین مخلتف مقامات پر حملوں میں چودہ فلسطینی شہید ہوگئے۔ جنگی طیاروں نے بیت حنون۔ خان یونس اور جبالیہ کو بھی اپنے حملوں کا نشانہ بنایا۔ جس میں کئی قیمتی جانیں گئیں، شہدا اور زخمیوں میں بڑی تعداد میں خواتین اور بچے شامل ہیں۔
