Raza Musani 
غزہ: غزہ میں صیہونی فوج کے الاہلی اسپتال سمیت مختلف مقامات پر حملوں میں چودہ فلسطینی شہید اور کئی زخمی ہوگئے۔ صیہونی فوج نے بیت لاہیہ میں ایک گاڑی پر حملہ کیا جس کے نتیجے میں سات فلسطینی شہید ہوگئے۔ فوجیوں نے الاہلی اسپتال پر حملہ کرکے اسپتال کے ایمرجنسی یونٹ، مرکزی دروازے اور طبی آکسیجن رکھنے والی سہولت کو تباہ کر دیا۔ ڈاکٹروں نے ایمرجنسی میں مریضوں کو باہر نکالا اس دوران ایک مریض دم توڑ گیا جبکہ حملے میں دو فلسطینی جان سے گئے۔ صیہونی فوج نے غزہ سٹی، جبالیہ اور خان یونس پر فضائی حملے کئے جبکہ رفح میں شدید گولہ باری کی جس سے قیمتی جانیں ضائع ہوئیں۔
