یمن پر اسرائیل کا فضائی حملہ، 2 افراد شہید، 30 سے زائد زخمی

تل ابیب : اسرائیل جنگی طیاروں نے ایک ہی دن میں یمن ۔ شام ۔ لبنان اور غزہ پر فضائی حملے کئے۔ جبکہ دنیا خاموشی سے تماشا دیکھ رہی ہے۔
غزہ کی حمایت میں یمنی فوج کے اسرائیلی دارالحکومت تل ابیب کے بین گورین ائرپورٹ پر کامیاب آپریشن کے جواب میں اسرائیل کے 30 لڑاکا طیاروں نے یمن کے ساحلی شہر الحدیدہ میں سیمنٹ فیکٹری سمیت نو مقامات کو نشانہ بنایا۔ حملے میں دو افراد شہید اور تیس سے زائد زخمی ہوگئے۔ ایک اسرائیلی عہدیدار نے الحدیدہ کی بندرگاہ پر 48 سے 50 بم گرانے کا دعویٰ کیا اور کہا کہ اس بمباری سے بندرگاہ مکمل طور پر تباہ ہو گئی۔ لیکن یمنی حکام کا کہنا ہے کہ بندرگاہ ابھی بھی آپریشنل ہے۔
اسرائیلی جنگی طیاروں نے جنوبی لبنان کی وادی بقا میں حزب اللہ کے ٹھکانوں پر حملے کئے ہیں۔ جبکہ شام میں مقبوضہ گولان کی پہاڑیوں میں بھی مختلف مقامات کو نشانہ بنایا حملے میں بنکرز تباہ کرنے کا دعویٰ کیا گیا ہے۔