مغربی کنارے میں صیہونی فوج کا فضائی حملہ، 10 فلسطینی شہید، متعدد زخمی

رام اللہ : صیہونی فوج نے غزہ کے بعد مغربی کنارے میں بھی جنگ چھیڑی دی۔ فضائی حملے میں 10 فلسطینی شہید اور متعدد زخمی ہوگئے۔ صیہونی فوج نے دس دن سے جنین میں جاری آپریشن کے بعد طوباس کے مضافاتی قصبے تمون میں ایک مکان پر بم برسادئے۔ حملے میں اطراف کے مکانات کو بھی نقصان پہنچا۔ زخمیوں میں بعض کی حالت تشویشناک ہے۔ شہدا میں خواتین اور بچے بھی شامل ہیں۔
صیہونی فوج نے ایک بیان میں کارروائی کی تصدیق کرتے ہوئے دعویٰ کیا کہ اس نے ایک مسلح سیل کو نشانہ بنایا۔ حماس نے حملے کی مذمت کرتے ہوئے کہا ہے کہ تمون میں بزدلانہ کارروائی اور مغربی کنارے میں جاری اسرائیلی جرائم ہماری مزاحمت کو نہیں توڑسکیں گے اور نہ ہی ہمارے لوگوں کو ڈرا سکیں گے۔
ادھر صیہونی فوج نے جنین۔ قلقیلیہ اور طولکرم میں آپریشن کے دوران مزید چودہ فلسطینیوں کو حراست میں لے لیا۔