Raza Musani 
غزہ: غزہ میں اسرائیلی حملے جاری ہیں۔ صیہونی جنگی طیاروں اور ڈرونز نے مختلف مقامات کو نشانہ بنایا۔ حملوں میں مزید تیس فلسطینی شہید اور درجنوں زخمی ہوگئے۔ صیہونی جنگی طیاروں نے جنوبی غزہ میں رفح شہر میں ایک گھر کو نشانہ بنایا جس میں سات فلسطینی شہید اور متعدد زخمی ہو ہوئے۔
نصیرات کیمپ پر حملے میں 13 افراد شہید ہوئے۔ خان یونس اور اطراف میں بھی جنگی طیاروں نے بم گرائے۔
اُدھر مزاحمت کاروں اور صیہونی فوجیوں میں شدید لڑائی جاری ہے۔جھڑپوں میں دوصیہونی فوجی مارےگئے۔ جبکہ کئی زخمی ہوئے۔ القسام بریگیڈ نے اسرائیلی دارالحکومت تل ابیب پر راکٹ داغ دئے۔ حملے کے بعد تل ابیب ائیر پورٹ کو بند کر دیا گیا۔ اور تمام پروازیں معطل ہوگئیں۔
جنگ بندی کے خاتمے کے بعد جمعہ اور ہفتے کو صیہونی حملوں میں 300 فلسطینی شہید اور سات سو کے قریب زخمی ہوئے۔ شہدا کی مجموعی تعداد 15 ہزار سے تجاوز کرگئی ہے۔
