اسرائیلی جارحیت، 3 صحافیوں سمیت 15 فلسطینی شہید، 26 زخمی

غزہ : غزہ میں صیہونی فوج نے وحشیانہ حملے بڑھادئے۔ چوبیس گھنٹوں کے دوران مختلف حملوں میں تین صحافیوں سمیت 15 فلسطینی شہید اور چھبیس زخمی ہوگئے۔ اسرائیل نے شمالی غزہ کے علاقے بیت لاہیا میں خیراتی ادارے الخیر فاؤنڈیشن کی امدادی ٹیم پر ڈرون حملہ کیا جس کے نتیجے میں تین مقامی صحافیوں سمیت نو افراد شہید ہوگئے۔ ادھر بیت لاہیہ میں ہی صیہونی فوجیوں کی فائرنگ سے ایک بچے سمیت چار فلسطینی جان سے گئے۔ رفح۔ خان یونس اور غزہ سٹی میں بھی صیہونی فوجیوں نے فلسطینیوں کو فائرنگ کا نشانہ بنایا۔ وسطی قصبے جوہر ڈیک میں ڈرون حملے میں بھی دو فلسطینی جان سے گئے۔
ادھر تباہ عمارتوں کے ملبوں تلے مزید 12 لاشیں برآمد کرلی گئیں۔ غزہ میں میڈیا آفس کا کہنا ہے کہ جنگ بندی کے بعد سے اب تک ڈیڑھ سو سے زائد فلسطینی شہید ہوچکے ہیں جس میں سے پچاس سے زائد گذشتہ دو ہفتوں میں شہید ہوئے۔