Raza Musani 
بیروت : حماس کے رہنما موسیٰ ابو مرزوق نے کہاہےکہ حماس اسرائیلی اسیروں کو نہیں رکھنا چاہتی اور وہ قیدیوں کے تبادلے کے نئے معاہدے کی کوشش کر رہی ہے۔ سو دن سے زائد جنگ کے دوران اسرائیل کسی بھی قیدی کو طاقت کے ذریعے بازیاب کرانے میں ناکام رہا وہ آخر کار معاہدہ کرنے پر مجبورہو جائے گا۔ انہوں نے کہا کہ اسرائیل کو قیدی یا تو معاہدے کے ذریعے ملیں گے یا پھر وہ ان کی لاشیں لیکر جائے گا۔ انہوں نے کہا کہ حماس یمنی انصار اللہ کی فلسطینی عوام کی حمایت اور اسرائیل کی جنگ کو ختم کرنے کی تمام کوششوں کو سراہتی ہے۔ انہوں نے کہا کہ یمنی عوام جو کچھ کر رہے ہیں وہ ہمارے لوگوں کے ساتھ حقیقی اور موثر یکجہتی ہے اور ہم اس کی تعریف کرتے ہیں۔ ہم تمام قوتوں سے بھی مطالبہ کرتے ہیں کہ وہ اس نسل کشی کو ختم کرنے کے لیے جرات مندانہ اور اصولی موقف اختیار کریں۔
