اسرائیل شام اور لبنان کو غیر مستحکم کرنا چاہتا ہے، عرب لیگ

جدہ : عرب لیگ کے سیکریٹری جنرل احمد ابو الغیط نے کہا ہے کہ اسرائیل عسکری اشتعال انگیزی سے شام اور لبنان کو غیرمستحکم کرنے کی کوشش کر رہا ہے۔ عرب لیگ کے سیکریٹری جنرل احمد ابو الغیط نے ایک بیان میں افسوس کا اظہار کرتے ہوئے کہا کہ عالمی برادری کی بے عملی سے صیہونی ریاست کی مزید حوصلہ افزائی ہوئی ہے۔ انہوں نے کہا کہ دستخط شدہ معاہدوں کی جان بوجھ کے خلاف ورزی کی جا رہی ہے، ملکوں پر قبضے کیے جا رہے ہیں اور مزید شہریوں کو مارا جا رہا ہے۔ احمد ابو الغیط نے کہا کہ لبنان میں ٹارگٹ کلنگ کا دوبارہ آغاز ناقابل قبول ہے اور یہ جنگ بندی معاہدے کی خلاف ورزی ہے جو لبنان کے ساتھ گزشتہ سال طے پایا تھا۔ انہوں نے مزید کہا کہ اسرائیلی کارروائیاں ملک کے اندرونی ایجنڈا پر مبنی ہیں جبکہ اس کی وجہ سے شہریوں کی زندگیاں اور علاقائی امن داؤ پر لگا ہوا ہے۔