اسرائیل غزہ میں قحط کو روکنے کے لیے فوری امداد کو یقینی بنائے، عالمی عدالتِ انصاف

دی ہیگ : عالمی عدالتِ انصاف نے متفقہ طور پر اسرائیل کو حکم دیا کہ وہ ایسی تمام ضروری اور موثر کارروائی کرے جس سے محصور علاقے کی فلسطینی آبادی کو بنیادی خوراک کی فراہمی کو یقینی بنایا جا سکے اور قحط کو پھیلنے سے روکا جا سکے۔ اسرائیل غزہ میں فوری طور پر درکار بنیادی خدمات اور انسانی امداد کی بلا تاخیر فراہمی کو یقینی بنانے کے لیے تمام ضروری اور موثر اقدامات کرے۔ ججوں نے کہا کہ ان میں خوراک، پانی، بجلی، ایندھن، رہائش، لباس، حفظان صحت اور صفائی کی ضروریات کے ساتھ ساتھ غزہ بھر میں فلسطینیوں کے لیے طبی سامان اور طبی دیکھ بھال شامل ہے۔ عدالت نے کہا کہ ساحلی انکلیو میں لوگوں کو بدترین ہوتے ہوئے حالات کا سامنا ہے۔ ججوں نے اپنے حکم میں کہا، "عدالت کا مشاہدہ ہے کہ غزہ میں فلسطینیوں کو اب قحط کے محض خطرے کا سامنا نہیں ہے بلکہ قحط پڑ رہا ہے۔