Raza Musani 
غزہ : اسرائیل نے تین یرغمالیوں کے بدلے تین سو انہتر فلسطینی رہا کردئے۔ اسرائیلی جیلوں سے رہائی کے بعد فلسطینی قیدیوں کو بسوں سے مغربی کنارے لایا گیا۔ برسوں سے قید فلسطینی اپنوں میں پہنچے تو منظر جذباتی ہوگئے۔ مائیں اپنے بچوں سے لپٹ گئیں۔
رہائی پانے والے قیدیوں میں عمر قید کے چھتیس قیدی بھی شامل ہیں جبکہ 33 قیدیوں کا تعلق غزہ سے ہے۔
اس سے پہلے تین اسرائیلی یرغمالیوں کو ریڈ کراس کے حوالے کیا گیا۔ خان یونس اور غزہ سٹی میں الگ الگ تقریب میں ریڈ کراس کے اہلکاروں نے یرغمالیوں کی رہائی کی دستاویزات پردستخط کئے۔ اسرائیلی قیدیوں کی رہائی کے موقع پر مزاحمت کاروں نے اپنی طاقت کا بھرپور مظاہرہ کیا۔
حماس نے کہا کہ قیدیوں کی چھٹی کھیپ کی رہائی تصدیق کرتی ہے کہ مذاکرات اور جنگ بندی معاہدے کے تقاضوں پر عمل کرنے کے سوا قیدیوں کی رہائی کا کوئی راستہ نہیں ہے۔
