Raza Musani 
تل ابیب: صیہونی وزیراعظم بن یامین نیتن یاہو نے ہٹ دھرمی کا مظاہرہ کرتے ہوئے آزاد فلسطینی ریاست کے قیام کا امریکی مطالبہ مسترد کردیا ہے۔ اسرائیلی وزیراعظم نے قوم سے خطاب میں کہا کہ اسرائیل کی سرحد پر مسلح فلسطینی ریاست کو قبول نہیں کیا جاسکتا۔ اسرائیل غزہ اور مغربی کنارے میں اپنی سہولت کے مطابق انتظام کرے گا اور ایسی انتظامیہ کی حمایت کرے گا جو اسرائیل کے خلاف جارحانہ عزائم نہ رکھتی ہے۔ حماس کا غزہ میں کوئی مستقبل نہیں ہے غزہ کا آپریشن حماس کے مکمل خاتمے تک جاری رہے گا اور اس سلسلے میں کوئی دباؤ قبول نہیں کیا جائے گا۔ اب دو ریاستی حل کا وقت گزر چکا ہے۔ خطے میں قیام امن کے لیے ہمیں اپنی سرحدوں پر سخت نگرانی اور دشمن گروپوں کی سرکوبی کرنا ہوگی.
