اسرائیل کا غزہ میں نئی کٹھ پتلی حکومت بنانے کا منصوبہ

تل ابیب : اسرائیل نے غزہ میں فلسطینی اتھارٹی اور حماس کے سوا نئی کٹھ پتلی حکومت بنانے کا منصوبہ پیش کردیا ہے۔ اسرائیلی وزیراعظم نیتن یاہو کے منصوبے کے تحت فلسطینی حکومت غزہ کا انتظام سنبھالے گی۔ اسرائیلی فوج غزہ میں موجود رہے گی۔ غزہ میں کوئی مسلح گروہ نہیں ہوگا۔اسرائیلی فوج کو غزہ میں مکمل اختیار حاصل ہوگا۔ منصوبے کے لیے زیتون کا علاقہ بہترین ہے جہاں مقامی تاجروں کے ذریعے امداد تقسیم کی جائے گی اور اس علاقے کی سیکیورٹی اسرائیلی فوج سنبھالے گی اور عام افراد کو زیتون میں تمام سہولیات فراہم کی جائیں گی۔جس کے بعد دیگر علاقوں میں ایسے ہی تاجروں اور دیگر شخصیات کو سامنے لایا جائے گا تاکہ حماس کے متبادل انتظام کو یقینی بنایا جاسکے۔