اسرائیل غزہ میں بھوک کو بطور ہتھیار استعمال کررہا ہے، اقوام متحدہ

نیویارک : اقوام متحدہ نے اسرائیل پر غزہ میں خوراک کی فراہمی کے نظام کو تباہ کرنے کا الزام عائد کیا۔اقوام متحدہ کے فوڈ پروگرام کے مطابق اسرائیل غزہ میں بھوک کو ہتھیار کے طور پر استعمال کررہا ہے۔اقوام متحدہ کے خوراک سے متعلق نمائندے میخائل فاخری کے مطابق غزہ میں انروا اور دیگر امدادی اداروں کو کام سے روکنے کی کوشش کے تباہ کن نتائج برآمد ہورہے ہیں۔ اس وقت غزہ میں شدید غذائی قلت ہے اور بچے بھوک سے مر رہے ہیں عالمی برادری اس وقت اپنی ذمہ داری نبھانے میں مکمل طور پر ناکام ہوچکی ہے اور اگر کہا جائے کہ ہم نے لاکھوں انسانوں کو موت کے منہ میں دھکیل دیا ہے تو غلط نہ ہوگا۔