اسرائیل کو دفاع کا کوئی حق نہیں، وہ قابض قوت ہے، روس

نیویارک : روس نے دو ٹوک اعلان کیا ہے کہ اسرائیل ایک قابض قوت ہے اُسے اپنے دفاع کا کوئی حق حاصل نہیں ہے۔ اقوام متحدہ میں روس کے نمائندے واسیلی نیبنزیا نے جنرل اسمبلی سے خطاب میں کہا کہ اقوام متحدہ کو یہ حق حاصل نہیں کہ وہ اسرائیل کو غزہ میں زمینی کارروائی کا مینڈیٹ دے۔ انہوں نے وضاحت کرتے ہوئے کہا کہ صرف ایک چیز جو وہ جمع کر سکتے ہیں وہ اسرائیل کے دفاع کے حق کے بارے میں مسلسل اعلانات ہیں۔ حالانکہ بطور قابض قوت اسرائیل کے پاس وہ طاقت نہیں ہے جس کی تصدیق بین الاقوامی عدالت انصاف کی 2004 کی مشاورتی رائے سے ہوتی ہے۔ انہوں نے کہا کہ اسرائیل کی سلامتی کی ضمانت صرف اسی صورت میں دی جا سکتی ہے جب ہم سلامتی کونسل کی متعلقہ قراردادوں کی بنیاد پر مسئلہ فلسطین کو حل کریں۔ انہوں نے کہاکہ روس غزہ کی پٹی میں اسرائیل کی بین الاقوامی انسانی قانون کی کھلم کھلا خلاف ورزیوں پر آنکھیں بند نہیں کر سکتا۔