Raza Musani 
تہران : ایرانی وزیر خارجہ عباس عراقچی نے اسرائیلی دھمکیوں کا مضحکہ اڑاتے ہوئے کہا ہے کہ اسرائیل ماضی میں کبھی حملہ کرنے میں کامیاب نہیں ہوا اور نہ ہی مستقبل میں ایسا کر سکے گا۔ روس کے آر ٹی ٹیلی ویژن نیٹ ورک کیساتھ انٹرویو میں عباس عراقچی نے کہا کہ امریکہ کی حمایت اور مدد کے باوجود بھی اسرائیل فوجی کارروائی کرنے کا اہل نہیں ہوگا۔ قابض حکومت کو معلوم ہےکہ ہماری دفاعی صلاحیتیں کیا ہیں اور کسی بھی حملے پر ہمارا ردعمل کیا ہوگا۔ ہم امریکہ کے خلاف بھی اپنا دفاع کر سکتے ہیں۔ انہوں نے کہا کہ ایران حالیہ برسوں میں روس اور چین کے ساتھ اپنے تعلقات کو مضبوط بنا رہا ہے۔ تینوں ممالک بین الاقوامی امن کے لیے موثر اقدامات کرنے کے حوالے سے سنجیدہ ہیں۔
