Raza Musani 
جنیوا : اقوام متحدہ کی ایجنسی انروا کے مطابق جنگ بندی کے خاتمے کے بعد چھ سو بچے شہید ہوچکے ہیں۔ انسانی بحران اکتوبر 2023 کے بعد اب اپنے بدترین موڑ پر ہے۔انروا نے یونیسیف کے اعداد وشمار کے حوالے سے بتایاہےکہ اسرائیلی کارروائیوں میں سولہ سو بچے زخمی ہوئے جن میں کئی شدید زخمی ہیں۔ انروا کے بیان میں کہاگیا ہے کہ غزہ میں اسرائیلی مظالم کا شکار آبادی میں زیادہ تر شہری بچے، خواتین اور عام مرد ہیں۔ فلسطینی عوام کے ناقابل تصور مصائب اور اجتماعی سزا کا کوئی بھی جواز پیش نہیں کر سکتا۔ انہوں نے خبردار کیا کہ جاری ناکہ بندی، یعنی انسانی امداد اور تجارتی سامان کے داخلے پر پابندی، غزہ میں پہلے سے ہی تباہ کن انسانی صورتحال کو مزید خراب کر رہی ہے۔
