Raza Musani 
دی ہیگ : بین الاقوامی فوجداری عدالت آئی سی سی کے چیف پراسیکیوٹر کریم خان نے کہاہے کہ اسرائیل نے وسیع قانونی مہارت کے باوجود غزہ جنگ میں اپنے خلاف جنگی جرائم کے الزامات کی حقیقی تحقیقات نہیں کیں۔
رائٹرز نیوز ایجنسی کو انٹرویو میں کریم خان نے کہا کہ اسرائیل اپنے خلاف جنگی جرائم کے الزامات کی تحقیقات میں ناکام رہا۔ آئی سی سی نے اسرائیل کی جانب سے تحقیقات کے کوئی حقیقی کوشش نہیں دیکھی جو مروجہ قوانین کے مطابق ہو۔ انہوں نے کہا کہ اسرائیل کے پاس بہت اچھی قانونی مہارت موجود ہے۔ لیکن اس نے اپنے ججوں، پراسیکیوٹرز اور قانونی آلات کو الزامات کی مناسب جانچ پڑتال کے لیے استعمال نہیں کیا جو جنگی جرائم ہم نے مقبوضہ فلسطینی علاقوں میں دیکھے ہیں۔ انہوں نے آئی سی سی کیخلاف امریکی ایوان نمائندگان کے ووٹ پر بھی تنقید کی اور کہا کہ یہ ایسا معاملہ ہے جس پر تمام باضمیر لوگوں کو فکر مند ہونا چاہیے۔
