Raza Musani 
تل ابیب: اسرائیلی انٹیلی جنس حکام نے اعتراف کیا ہے کہ اسرائیل غزہ میں 5 ماہ کی شدید لڑائی کے باوجود حماس کو تباہ نہیں کر سکتا۔ برطانوی اخبار ٹیلی گراف نے اسرائیلی انٹیلی جنس ذرائع کے حوالے سے بتایا ہے کہ غزہ میں اسرائیل کے اہم ہدف کو ناکامی کا سامنا ہے اور بین الاقوامی حمایت کی لہر اسرائیل کے خلاف ہے۔ رپورٹ کے مطابق اسرائیل کا خیال ہے کہ اس نے وسطی اور شمالی غزہ کی پٹی میں حماس کے مرکزی کمان کے ڈھانچے کو ختم کر دیا ہے لیکن مزاحمت کے اہم مراکز باقی ہیں۔ سینیر حکام نے اخبار کو بتایا کہ حماس کی 24 بٹالین میں سے 4 رفح میں محفوظ مقام پر فرار ہونے کے بعد مکمل محفوظ ہیں۔ اسرائیل کا خیال ہے کہ انہیں ڈھونڈنے اور تباہ کرنے میں بہت دیر ہو چکی ہے کیونکہ امریکہ نے اسرائیل سے منہ موڑ لیا ہے۔ یروشلم پوسٹ کے مطابق فی الحال ایسے کوئی اشارے نہیں ملے ہیں کہ اسرائیلی فوج مزید قیدیوں کو چھڑا سکے گی یا حماس کے مزید رہنماؤں کو ہلاک کر سکے گی۔
